Canastilla para XX

Na nosa terra, din que "habelas hai-las"...

Moito antes de que ningún médico me puidera dicir si M era XX ou XY eu xa sabía que era un neno. O día do meu aniversario, alá no 2008 dixéronme que era XY, e non foi sorpresa ningunha. Non para min.

Neste embarazo ocorreu o mesmo. Soñei con 'ela' e coa miña avoa. Esa mañá díxenlle a J que era unha nena. E esa tarde fun mercar tecido para facer un vestido. Uns días máis tarde fomos de excursión a Nantes, a "La Droguerie" a mercar unhas las.

Tamén descubrín "Ravelry" e empezou a perdición.

E é que a rede ten cousas marabillosas. E unha de elas é atoparse con boa xente. Adijirja é unha de esas boas xentes. Mostrounos las máis aló de phildar e compañía. Descubriunos a Droguerie, que por cousas do destino quédanos moi preto de este destino, nunca mellor dito. E facemos intercambio de patróns por trapicheo de "apagas", "fleur de cotton" ou "kaleido".



Miña nai, antes de saber que XX era XX, dixo que ela ía facer un vestido. E que si despois era un neno, pois xa llo regalariamos a algunha futura mamá, que esta tempada temos un lote de embarazadas pola volta. Pero non fai falta, a nosa XX vaino lucir como ninguén!
{Patrón: persoal / La: ¿?}



E a chaqueta verde, elección miña. Máis "unisex" por se os presentimentos non eran certos... E hoxe por fin podo mostrar as fotos! (que traballiño nos custou, verdade? hehehe)
{Patrón: Oneskin / La: Kaleido, de La Droguerie}

Teño ganas de velos en persoa e tocalos.

E mañá nova excursión a por máis cargamento de las, que andan as mans moi paradas. (!!!)

Para facer máis cousas pensando en ti...